O noso voitre “Vigo” contará coa súa propia web-cam. (02/09/10)
Leva o nome da cidade que o viu nacer e agora formará parte do programa de recuperación europeo da especie a cargo da Fundación para a Conservación do Voitre. Grazas a este importante logro, Vigozoo é un dos primeiros centros de España que consigue incubar artificialmente un exemplar desta especie.
Con máis de tres meses de idade “Vigo” xa supera os nove quilogramos de peso, e actualmente convive cos seus pais nun recinto de Vigozoo, a salvo da visión do público, para o seu propio benestar.
Pero iso non quere dicir que non se poida observar polo noso público visitante, xa que instalamos unha “web-cam” no seu recinto i en breve poderás observalo directamente na nosa páxina web.
Programas de Conservación en Vigozoo (20/08/10)
A nivel europeo existen distintos niveis de programas de conservación ex situ dirixidos e coordinados pola European Association of Zoos and Aquaria EAZA.
Os programas ESB, que son os que xa están en marcha no noso zoo, baséanse na recompilación de datos dunha determinada especie (nacementos, mortes, cesións, etc.), relacionando a todas as institucións que a posúan. A xestión dos datos realízase con programas informáticos específicos que permiten valorar as poboacións que existen nos zoos.
Así, en Vigozoo de momento hai dous especies que están dentro destes programas, concretamente os Voitres leonados (Gyps fulvus) e os Macacos de Xibraltar (Macaca sylvanus), anque nun futuro próximo serán incluídas máis especies relevantes no noso zoo.
